اهداء لكل من فقد حبيب,,,

حيل الله اقوى يالعيون الشقيه *** وش في يدي غير السهر والقصايد
اشوف حبي ميت في يديه *** واصوغ له بأبيات شعري قلايد
قالوا توفى وافته المنية *** واصحي ترى اللي مات ماهو بعايد
الموت حق وخل نفسك قويه *** يامها بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
مات وذكراه على البال حيه *** ودموع عيني لاطرتلي شدايد
حبيته و الحب ماهو خطيه *** عشقته عشق على العشق زايد
وافراقه للقلب من غير نيه *** وانا اشهد ان فراق الاحباب كايد
عفت الهوى عفت الليالي الهنيه *** عفت الغزل حتى منام الوسايد
كل الليالي عقبه سرمديه *** والا الفرح في دنيتي شي بايد

والقلب ميت من ممات الوفي *** مايشحنه حب الشباب الجدايد